اسباب رسوب بعض البنات

من طرف ساندي بيل في السبت يونيو 07, 2008 12:56 pm

هلووووووووو شلونكم

ليييييييش اغلب البنات يرسبون

**الثلاث الوجبات الرئيسيه لازم تقعد عليها اول وحده وماتقوم الا اخر وحده جوعانه المسكينه ياحرام هههههههههه واحيانا تزيد وجبات اضافيه اذا كانت الماده دسمه بزود

**تقعد تسوي نفسها ضايجه وتعبانه ويااااربي مااكدرادرس ماادري شبيه حاسه بكتمه يمه .. الظاهر احد قاري علي والا ضاربني عين ... تقعد امها تقول باسم الله عليك ... تعالي اقرا عليك يابنيتي
كل هذا عشان اذا سقطت يقولون احد حاسدها هههههههههههههههاي

**بعضهن ينزل عليها وسواس نظافه ايام الامتحانات تتروش الصبح والليل وتستشور شعرها كل مره طبعا مايصير تخليه يخرب وبكره كيف تروح الجامعه والكتاب على جنب طبعا هذي من واجباتها اليوميه ماتقدر تتركها عشان تذاكر مايصير

**هذي تترك الكتاب على جنب وتقوم تقيس فساتين السهرات اللي عندها لان بعد الامتحانات على طول فيه عرس فلانه بنت فلان لازم تحدد شنو تلبس من هسه .....لا وبعضهم ليلة الاختبار عند الخياطه رايحه تسوي بروفه ههههههههههههاااي الله من قل الدبره بس

**أما هذي تاركه كتابها في الصاله وداخله تكتب ايميل للكروب مو معقول ماقد شاركت ابد ... جتها الفكره لازم تقوم تكتبها قبل ماتطير (كح) احم

**وبعضهم تنزل عليها صلة الرحم فجأه تقوم تكلم وحده من صديقاتها القدام من زمان ماكلمتها ....تريد تشوف شنو صار عليها وحتى تشغلها عن الدراسه ......حسسد ههههههههههه

**وهذي تنزل عليها الشطاره فجأه تقوم تسوي العشا لاهلها ... وتغسل الصحون عن الشغاله وتقولها اطلعي نومي انتي خلاص انا اكمل
(مقابل الجيش ولا مقابل العيش)

**وهذي مبتليها ربي بحب الموبايل كالبته شات مو مسجات وماتصحى على نفسها الا قبل الفجر بساعتين

**وهذي المسيكينه الله من قل الحيله توجع القلب لا قفلت معها قضبت
المخده ونامت الى ان تصحى وتقول يوووه راحت عليه نومه

**وهذي ايام المتحانات تنزل عليها حالات غريبه كل شوي مشتهيه اكله معينه وما تلكا ابوههالا رايح جاي رايح جاي.....يعنني اذاكر.. وامها ايه يا بنيتي شتريدين بس.......قالشنو عساس امها اتريد تساعدها عشان تنفتح نفسها للدراسه ماتدري ان كلهذا هروب.......هالنوع ماتنتهي
الامتحانات الا وهي زايده 4-5كيلو

بس بدون زعل يا بنات