سوالف البنات مع ولد بالكلية هع هع

سوالف البنات بالكليه ويه الولد
ابنيه وزميلها بالكليه ديحجون حجي عادي
طبعا ما اسولفلكم الولد دايخ من الجذب قصدي من السوالف الي كاعد اتكولها البنيه ............ ......... البنيه : هاي اشلونك
الولد : هلو عيني اشلونج انتي ان شاء الله زينه
البنيه : الحمدلله شكو ماكو
الولد : والله كلشي ماكو صافيه دافيه
البنيه : والله ضوجه عفيه شنو هاي حتى ما اليه واهس كلشي اسوي (( هيه مكضيه الليل كله بس تعرض بالغرفه و حايره شتلبس الصبح من اتروح للكليه عبالك راح يجوها خطابه ))
الولد : حتى اني ما اليه واهس كلشي اسوي وتعبان كلش
البنيه : والله تعبت من الوكفه عفيه اروح للكافتريا (( خطيه اتريد تاكل براس الولد ))
الولد : ها اي اي يله اروح للكافتريا (( اي ادري شنو مماكله ابيتكم ))
دخلو للكافتريا وشايفين الكافتريا اشلون هوسه كله كروبات واغاني
الولد : شنو تاكلين عيوني
البنيه : لا اني ما اكل بس اريد عصير
الولد : اوكي
راح الولد ايجيب عصير راني اللهم
الولد : اتفضلي عيوني
البنيه : شكرا
لق لق هاي يعني فتحو القواطي مال عصير راني (طبعا ماكو بسسس لان عصير برتقال بلا غاز)
البنيه : اشكد طيب هذا العصير طبعا بابا ايجبلنه اشكد صناديك من عصير راني (( هيه مال صناديك راني هو اني مكضيتها اتموعين تيستي ايد بالمي واشربين ))
الولد : الف عافيه عيوني
طرن طرن دك التلفون مال البنيه .. الو هلو مامي اشلونج حبيبتي لا عفيه مامي لتروحون لنادي الصيد اله اني اجي عفيه انتضروني (( هيه حتى متندل نادي الصيد وين صاير بيا منطقه ))
البنيه : هاي مامي اتكول احنه رايحين للنادي الصيد اكو حفله مال حسام الرسام
الولد : اي عيوني روحي اتونسي غيري جو اشويه (( اشكد جذابه هو حسام الرسام بعمان البارحه طلع لقاء ويه على قناة الشرقيه
البنيه : احنه كل سبت والاثنين واربعاء بنادي الصيد اروح نتونس
الولد : اي عيني روحوا اتونسو (( لك هاي شنو اني كاعد ويه ابنيه لو ويه مسيلمه هاي يطلع الفيل من حلكها يضرب جلاليق
البنيه : اكول انت وين اتقضي وقتك
الولد : والله اني بين يوم ويوم اروح للقاعه مال الحديد اتمرن اشويه لو اكعد ويه اصدقائي بكهوة ايوان نشرب نركيله وراها نلعب لعبه حلو نلعبها مجموعات اسم اللعبه medal of honor وارجع للبيت واكعد واسكت لو نكعد اني واصدقائي كدام الباب نضحك ونسولف
البنيه : اي يعني زين اشويه تطلع اتشوف عالم اتغير جو
الولد : انتي وين مكضيه وقتك
البنيه : اني لما ارجع من الكليه اسبح (( هو المي صارله 3 ايام مكطوع ببغداد )) ومن اطلع من الحمام اشسور شعري (( اشسور شعرها بالاوتي )) وراها اذا الكهرباء مطفيه اخلي بابا ايشغل المولده الجبيره مالتنا (( تايكر 6 امبير )) وره ما ايشغل بابا المولد افتح السبلتات مال البيت لان منكدر بدون سبلتات (( مراوح عاموديه ))
بعدين افتح الثلاجه احير شنو اشرب من عصاير بس اني المفضل عندي الراني (( تيستي ايد ))
وراها اكعد اقره اشويه واراجع المحاظرات (( تقرى شكو مجله )) وبعدين انام اكعد ساعه 6 ونص الصبح اغسل وابدل واجي للكليه (( هيه تكعد ساعه 3 الصبح تبدي اسوي بروفات وعروضات وتبلط الشوارع مال وجها )) يله اوكي شكرا على العصير لان اني اريد اروح راح يجي عليه اخويه بسيارته الغواصه ياخذني واني اخاف ايسلبوه لان كلش غاليه (( هيه كرونه معوقين سوتها غواصه )) وعلمود هم اروح للحفله ما حسام الرسام
هجم بيت البانيه اشكد تنفخ
الولد : اخذي راحتج عيوني وعود سولفيلي على الحفله (( خرب ببليسج اشكد جذابه ))
ههههههههههههههههههه
اريد اسمع ردودكم

ههههههههههههههههههههههههههههههههه

شنو هاي ساندي وشنو هاي السوالف

يسلموووووووو

هههههههههههههههههههههههههههههه شكد ماكرات خطيه

بس سوالفهم صارت قديمه حيل يعني بعد ما تمشي لان ما بيها فسفوره

ههههههههههههههههههههههههههههه

عاشت ايدج والله ساندو على هذا الموضوع

تقبلي تحياتي

شكرا عيني نور علمرور الحلووو

وايدك يالملمت اوراقي شكرا علمرور الحلووو

هههههههههههههه
موضوع روعة ساندي
تحياتي الك

شنو انت يامبدعه ساندي

والله ضحكت على الكلام الحلووو الي ناشرته

ههههههههههههههههههههههههههههه

عاشت ايدج ساندي الورده

تحياتي لك

شكرا علمرور الحلووووو

هههههههههههههههههههههههه اني هم ضحكت علحكلام الموجود بالمووضوع لان ايخرب ضحك ههههههههههههه

شكرا عيوني علمرور الجمييييييييييل